Beedi Stääfel – dr Under- wiä äü dr Oberstafel – hent dr Namä vum Fluss Lammerbach. Diä beedä Alpä ligget im Brunnital underhalb vum Wäschpä.
Oberlammerbach liit uf rund 2000 Meter und d Chiä sind im Summer uf derä Alp nur fir äs par Wuchä. Wil diä Alp zimli abgläägä isch, wird dr Chääs, wo si dettä produziäret, mit em Helikopter i ds Tal appä gfloogä.
Uf Oberlammerbach produziärert diä beedä Älplerfamilenä vollfettä Alpchääs.
«I dä Alpä Trogä und Lammerbach isch vor langer Zit immer eppä äs Bättlerfräüwäli umägschtriälet und het bi dä Älplerä um eppis z ässä pättlet. Aber schtatt a mänä gheerigä Dank häig äs de gäärä äs zimftigs Gwitter mit Hagel ggä, chüüm sig das gschpässig Wiibervelchli verschwundä gsi.»
Ürner Sagäwält